fbpx
Sunnudagur 06.apríl 2025

Kjartan langar að prófa kynsvall

Ritstjórn Bleikt
Þriðjudaginn 23. maí 2017 19:30

Ekki missa af Helstu tíðindum dagsins í pósthólfið þitt

Lesa nánar

Sæl Ragga
Mig hefur langað lengi til að prófa orgiu eða kynlifsvall. Ég hef leitað og reynt að finna þannig hér á íslandi en aldrei fundið neitt né heyrt af því .

Gætir þú bent mer i rétta átt því mig grunar að þú gætir vitað um svoleiðis vegna vinnu þinnar.

Með bestu kveðju,
Kjartan

Myndin tengist greininni ekki beint!

Sæll Kjartan
Þú ert einn margra sem hafa leitað til mín að undanförnu með álíka fyrirspurnir. Áhugi fólks á frjálslyndu umgengni við kynlíf fer kannski vaxandi um þessar mundir. Að minnsta kosti hefur umræðan aukist heilmikið.
Hér á landi er hins vegar ekki um auðugan garð að gresja þegar kemur að opinberri starfsemi sem býður fullorðnu fólki að koma og njótast í góðra vina hópi. Hins vegar eru margir virkir í því sem kallast venjulega swing – og þeir sem meina eitthvað með þessu áhugamáli ferðast gjarnan til útlanda til að sækja kynlífsklúbba.

Á vefsíðunni sdc.com er hægt að komast í samband við fólk í álíka hugleiðingum – og ef mér skjátlast ekki ættir þú líka að geta tengst fólki gegnum fetlife.com. Báðar síðurnar eru eins konar samfélagasmiðlar, sú fyrrnefnda fyrir fólk sem hefur sérstaklega áhuga á swingi, en sú síðari fyrir fólk með áhuga á BDSM. Að einhverju leyti skarast þessi svið.

Lestu meira:

Ásta og Einar stunda kynlífsklúbba: „Okkur óraði ekki fyrir hvaða áhrif swingið ætti eftir að hafa á líf okkar“
Með Ástu og Einari í kynlífsklúbbi : „Konan ræður ferðinni“ – „Meira kynlíf per fermetra en ég hef áður séð“
Leikar æsast í kynlifsklúbbnum: „Hér dæmir mig enginn og ég fæ að njóta mín í öruggu umhverfi“

Íslenska swing-senan er sveipuð mikilli leyndarhulu, enda um grandvart fólk að ræða sem vill ógjarnan láta kynlífssögur berast út um sig. Kannski má segja að swing-fólkið sé í svipaðri stöðu hérlendis núna og BDSM-fólk var fyrir 1-2 áratugum síðan. Við höfum svo séð umræðu um BDSM opnast og skömmina dvína, enda nákvæmlega ekkert athugavert við leiki fólks þar sem allir aðilar eru samþykkir því sem fram fer. Vonandi munum við sjá svipaða þróun varðandi swing. Kannski hættir fólk að kippa sér upp við að nágrannaparið skreppi á kynlífsklúbb á meginlandi Evrópu endrum og sinnum. Enda varla pervertalegra að gera það en að skreppa á frímúrarafund eða í golfferð til Flórída.
Ráð mitt til þín er því að kaupa þér aðgang að SDC – já það kostar, því annars mundi svæðið fyllast af stjórnlausum gröðum einstaklingum – og reyna þannig að komast í samband við fólk í svipuðum hugleiðingum. Þú nefnir ekki í bréfinu hvort þú ert einn á báti – en rétt er að nefna að stakir karlmenn eiga venjulega erfitt uppdráttar í swing-senunni, og á flestum kynlífsklúbbum með gagnkynhneigðan fókus er þeim hreinlega meinaður aðgangur. Þeir eyðileggja víst stemmninguna með greddu og ólátum. Hérlendis eru reglulega haldin partí – en þau fara leynt og aðeins innvígðir geta búist við boði. En einhvers staðar verður maður að byrja!

Bestu kveðjur og gangi þér vel,
Ragga

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 6 klukkutímum

Klopp vildi fá annan leikmann frekar en Salah – ,,Hann á eiga það að hann hlustaði á okkur“

Klopp vildi fá annan leikmann frekar en Salah – ,,Hann á eiga það að hann hlustaði á okkur“
Pressan
Fyrir 6 klukkutímum

Harmleikur í litlu lögregluliði – Fjögur sjálfsvíg á sex vikum

Harmleikur í litlu lögregluliði – Fjögur sjálfsvíg á sex vikum
433Sport
Fyrir 8 klukkutímum

Vill fá sex leikmenn til Liverpool

Vill fá sex leikmenn til Liverpool
Fréttir
Fyrir 8 klukkutímum

Fiskikóngnum gróflega misboðið – „Er ekki allt í lagi með ykkur ??“

Fiskikóngnum gróflega misboðið – „Er ekki allt í lagi með ykkur ??“
Pressan
Fyrir 10 klukkutímum

Þessi ísskápsmistök gera margir

Þessi ísskápsmistök gera margir
433Sport
Fyrir 10 klukkutímum

De Bruyne ætlar ekki að elta peningana

De Bruyne ætlar ekki að elta peningana
433Sport
Fyrir 12 klukkutímum

Fengu á sig fyrsta markið í 25. sinn á tímabilinu og bættu met

Fengu á sig fyrsta markið í 25. sinn á tímabilinu og bættu met
Fréttir
Fyrir 13 klukkutímum

Daði Már vill hæft fólk í stjórnir – Inga skipaði bara sitt fólk

Daði Már vill hæft fólk í stjórnir – Inga skipaði bara sitt fólk

Tarot Spil

Veldu þér spil og sjáðu spádóm þinn.