Hingað til hafa legið í loftinu miklar vangaveltur og tilgátur um mögulegt samband Kendall Jenner og A$AP Rocky. Oft hefur sést til þeirra saman, eins og þegar þau fóru að versla og deildu fallegum augnablikum þar sem þau sjást horfa gagntekin á hvort annað.
En nú telja slúðurmiðlar vestanhafs að þau hafi staðfest samband sitt á Met Gala. Hvorugt hefur tjáð sig opinberlega um sambandið í fjölmiðlum en á Met Gala sást greinilega til þeirra þar sem þau voru ástúðleg við hvort annað. Eitt skiptið eru þau í innilegum faðmlögum og A$AP Rocky með hendurnar á rassinum á Kendall á meðan Kylie Jenner tekur mynd af þeim. Kim Kardashian deildi þeirri mynd á Snapchat, svo það er hægt að draga þá ályktun að þetta hafi verið þeirra lúmska leið til að staðfesta sögusagnirnar.
Kendall Jenner deildi einnig tveimur myndum af henni og Bellu Hadid á Instagram. Þar sést greinilega að hún er á milli fótanna á A$AP Rocky.
https://www.instagram.com/p/BTnC_VZj36k/
Kendall Jenner hefur ólíkt systrum sínum verið dugleg að halda einkalífinu sínu leyndu og tjáir sig mjög sjaldan um hvern hún er að hitta eða í sambandi við. Hún sagði í viðtali við Harper‘s Bazaar að hún muni aðeins tala um einkalíf sitt við fjölmiðla þegar sambandið er orðið alvarlegt.
„Ég er ekki að giftast neinum. Ég er ekki trúlofuð. Það er ekkert langtíma eða alvarlegt eins og það í lífi mínu. Ef ég er ekki alveg, alveg með einhverjum, af hverju ætti ég að tjá mig opinberlega um það við alla aðra? Ef ég veit ekki einu sinni sjálf hvað þetta er, af hverju ætti ég að láta heiminn vita?“
Hún bætti því við að ef hún ætti kærasta mundi fólk örugglega segja alls konar hluti sem mundi gera það að verkum að þau hættu saman.
