Fonda er á forsíðu nóvemberblaðs Town & Country og er myndin óunnin, það er Photoshop er ekki notað til að „laga“ útlit leikkonunnar.
Fonda hefur verið andlit L’Oréal frá árinu 2014 og gekk tískupallana fyrir tískumerkið á tískuvikunni í París núna í ár. Fonda hefur talað opinskátt um lýtaaðgerðir sem hún gekkst undir þegar hún var yngri að árum, en það kom engu að síður flatt upp á hana þegar hún var spurð út í þær í viðtali núna í september.
Þáttastjórnandinn Megyn Kelly spurði Fonda af hverju hún væri ekki stolt af að viðurkenna að hún hefði gengist undir lýtaaðgerðir, „Fólk horfir á þig og hugsar hversu vel þú lítur út.“
„Góð viðhorf, góð líkamsbeiting, ég hugsa vel um sjálfa mig,“ svaraði Fonda og leiddi hjá sér að svara með lýtaaðgerðirnar.
Þrátt fyrir aldurinn hefur Fonda nóg að gera í leiklistinni, hún leikur í sjónvarpsþáttunum Grace & Frankie, Our Souls at Night á móti Robert Redford og Book Club ásamt Diane Keaton, Mary Steenburgen og Candice Bergen.
