Stöðufærsla og mynd sem Jenna Casado Rabberman, tveggja barna móðir, búsett í Lancaster í Pennsylvaníu í Bandaríkjunum, deilir er góð áminning um þetta veigamikla atriði, sem tekur ekki margar mínútur í hvert sinn.
Rabberman var á leiðinni heim úr leikskólanum með syni sína, annan sex vikna og hinn tveggja ára, þegar annar bíll keyrði á bíl hennar, með þeim afleiðingum að báðir bílarnir eru gjörónýtir, en ökumenn og synir Rabberman sluppu án meiðsla.
„Þú heldur að þetta muni aldrei koma fyrir þig,“ segir Rabberman. „Synir mínur sluppu án skráma, en sjúkraliðar sögðu mér að staðan hefði orðið allt önnur ef ég hefði ekki tekið mér auka tvær mínútur til að passa að þeir væru rétt spenntir í bílstólana. Ég er í lagi, börnin mín eru í lagi, allt annað er hægt að bæta. Ég þakka fyrir að við erum öll heil á húfi.“
Myndin sem Rabberman tók á vettvangi sýnir afleiðingar árekstursins, báðir bílstólarnir eru í óaðfinnanlegu ástandi meðan bílarnir eru gjörónýtir. Myndin er mikilvæg ábending til foreldra um að gleyma ekki að hafa öryggisatriði barnanna í bílnum á hreinu.
„Þetta er ástæðan fyrir því af hverju þú spennir börnin þín rétt í bílstólana í hvert einasta skipti,“ segir hún. „Þó að þau æpi og öskri um að böndin séu of strekkt. Jafnvel þó að þau kvarti um að snúa í öfuga átt.“
Rabberman tók einnig fram að þó að bílstólarnir líti óaðfinnanlega út, þá mun hún kaupa nýja, eins og framleiðandi þeirra ráðleggur að gera, ef árekstur verður, sama þó að tjónið sé lítilvægt.
Slysið er mikilvæg ábending um að tryggja alltaf öryggi allra í bílnum, barna sem fullorðinna.
Hér má nálgast upplýsingar um öryggi barna í bíl.
https://www.facebook.com/jenna.casadorabberman/posts/10102408310069428
