Nú er komið um eitt og hálft ár síðan við fluttum inn í íbúðina okkar hér í Hafnarfirðinum og nú er loksins komið að því að gera upp eldhúsið.
Við gerðum upp baðherbergið í fyrra og höfum ekki gert neitt meira fyrir íbúðina en það. Eldhúsið var alltaf næst á dagskrá hjá okkur en það er auðvitað ekki alltaf hægt að gera allt í einu en við ákváðum að nú væri komið að þessu og ákváðum að skella okkur í þetta núna og planið er að ná að klára fyrir jól… eru það ekki týpískir Íslendingar?
Ég mun sýna allt í beinni á snappinu mínu THOREYGUNNARS svo endilega addið snappinu og fylgist með öllu ferlinu.
En ástandið á eldhúsinnréttingunni var orðið verulega slæmt svo við gátum hreinlega ekki beðið lengur með þessar framkvæmdir.
Eldhúsið verður þar sem við erum núna með borðstofuna og munum við rífa niður herbergi sem var einhvern tímann búið til innst inn af stofunni. Okkur hefur lengi dreymt um að hafa opið eldhús og ætlum nú að láta þann draum rætast. Þá verður eldhús – borðstofa – stofa eitt flæðandi rými sem gerir þetta allt meira að svona fjölskyldurými í íbúðinni.
Nú er bara stóra spurningin… NÁUM VIÐ AÐ KLÁRA FYRIR JÓL?
Færslan birtist upphaflega á síðunni Fagurkerar.is
