Það getur verið bölvað vesen að selja 21 árs gamlan bíl en ef þú ert skapandi þá er það mun minna mál. Max Lanman leikstjóri og höfundur sem búsettur er í Los Angelses gerði skemmtilega og hugmyndaríka auglýsingu til að auglýsa bíl kærustu sinnar, Honda Accord árgerð 1996, til sölu og hefur auglýsingin vakið mikla athygli.

Fimm dögum eftir að bílinn, sem gengur undir gælunafninu „Greenie“, fór í sölu var hæsta boð komið í 150 þúsund dollara og myndbandið var komið með 4 milljón áhorf. Ebay uppboðinu var hins vegar lokað vegna „óvenjulegra uppboðshreyfinga.“ Greinilegt var að einhver starfsmaður Ebay var ekki að trúa því að svo gamall bíll færi fyrir svona hátt verð, ekki var hægt að pósta aftur upphaflegu auglýsingunni, þannig að parið varð að búa til nýja, sem þau gerðu.

Búið er að keyra bílinn 141.095 mílur og listaverð á honum er 1500 dollarar. Núverandi boð er 6500 dollarar.

Auglýsingin vakti að vonum mikla athygli netverja.