„Geo og Alana líður vel, við erum öll hamingjusöm,“ skrifaði Ronaldo á portúgölsku.
Þetta er fyrsta barn þeirra saman. Fyrir á Ronaldo þriggja mánaða tvíbura, Eva Maria og Mateo, sem fæddust í júní með aðstoð staðgöngumóður og Cristiano Jr. sjö ára.
Ronaldo hefur verið nokkuð þögull um fjölskyldumál sín opinberlega, en Rodriquez var í viðtali við spænska blaðið iHola! fyrr á árinu um það sem skiptir hana mestu máli í lífinu, auk þess sem hún sat fyrir á myndum.
„Ég er mjög fjölskyldusinnuð. Ég elska börn, náttúruna og dýr. Ég vil umkringja mig með þeim sem hvetja mig á hverjum degi til að verða betri manneskja og þeim sem hafa jákvæða orku.
Ronaldo hefur aldrei gefið upp hver er móðir frumburðar hans, en hefur sagt að þegar hann verði eldri muni hann fá að vita það, ef hann kjósi það. „Þegar Cristiano er orðinn eldri þá mun ég alltaf, alltaf segja honum sannleikann af því að hann á það skilið, af því hann er sonur minn. En ég mun ekki segja það bara af því að fólk er forvitið og vill vita það.“
Ronaldo frumsýndi nýlega gallabuxnalínu þar sem frumburðurinn situr fyrir með honum á auglýsingum.
