Það er svo ótrúlega langt síðan ég ætlaði að skrifa þessa færslu að það er nánast orðið vandræðalegt!

Jæja, betra er að mæta seint og sætur heldur en fljótur og ljótur sagði einhver einhverntíman!

En þegar við Óttar fluttum í nýju íbúðina þá minnkaði skápa plássið í eldhúsinu um heilan helling, þrátt fyrir að eldhúsið hér sé nokkuð stærra.

Ég þurfti því að pakka því sem var minnst notað ofan í kassa þar til ég finndi ágætis lausn á þessu plássleysi.

Og hvað er það sem maður notar sjaldnast, jú fallega brúðarstellið og fínu kökudiskarnir sem maður týmir aldrei að nota!

Það var ekki fyrr en ári seinna sem ég rakst á þennan skáp á netinu en það var koma sem var að gefa hann. Mér fannst liturinn ekki henta mér og ákvað því strax að breyta honum. Ég ákvað þó að leggja ekki í það að lakka skápinn þar sem ég er með hann sem “tímabundna” lausn (verður líklega hér þar til við flytji annað ef ég þekki sjálfa mig rétt ).

Allavegana ég fór því í Byko og bað um hvíttunarefni sem myndi samt leyfa viðnum að njóta sín og fékk þetta sem er á myndinni.

Það tók mig ekki nema tvær kvöldstundir að klára allan skápinn en leiðinlegasta og tímafrekasta verkið var að taka málninguna af gluggunum því ekki nennti ég að asnast til þess að teipa alla karmana. Sá eftir því eftir á!

Nú jæja svo var skápurinn tilbúinn og þá gat ég loksins, heilu ári eftir flutninga sótt allt fallega brúðarstellið og fínu kökudiskana. Svona til að hafa það til sýnis þið vitið, allir vita að maður notar það nánast aldrei!

Heildarverð var í kringum 5000 krónur en það var bara málningin og pensillinn.

Ég er mjög satt við þessa “bráðabirgða” lausn mína. Serían sem þið sjáið inn í skápnum er gömul batteríssería sem ég átti frá Ikea.

Færslan birtist upphaflega á Fagurkerar.is