Sverrir Ingi Ingason leikmaður Íslands kom inná sem varamaður í sigri liðsins á Kósóvó í undankeppni HM. Með sigri er Ísland komið á Heimsmeistaramótið í Rússlandi sem fer fram á næsta ári.

„Þetta mun taka nokkra daga að sogast inn.  Að vera fótboltamaður og vera á leið á HM þá er maður í smá tilfinningasjokki. Þetta á eftir að gera svo mikið fyrir leikmenn að hafa eitthvað til að hlakka til.“ sagði Sverrir.

„Líklega eini fótboltaleikurinn sem mér hefur liðið illa við að vera á bekknum. Að ná þessu fyrsta marki var mikilvægt. Sýnir hvað liðið er sterkt að við skildum vinna þennan riðil sem inniheldur fjögur lið sem voru á EM.“

„Einhverjir hafa sagt að EM hafi verið toppurinn. En við sýnum það í dag að við erum hvergi nærri hættir. Við ætlum bara að halda þessu áfram.“

„Rússarnir eru mjög gott fólk. Þeir eru hrifnir af því sem íslendingar eru að gera. Rússar hafa verið í brasi með sitt landslið og skilja ekki hvernig þetta tekst hjá okkur.“

Viðtal við Sverrir Inga má finna hér að neðan og ofan.