Milos Milojevic, þjálfari Breiðabliks, viðurkennir að það sé léttir að vera búinn að tryggja sæti sitt í Pepsi-deildinni eftir 3-2 sigur á ÍBV.
,,Það er léttir að tryggja sætið í deildinni. Mér fannst leikurinn ekki öðruvísi en margir aðrir í sumar,“ sagði Milos.
,,Í dag þá duttu hlutir fyrir okkur í teignum. Varnarleikurinn var góður á köflum og í heildina góður en mörkin þeirra komu úr engu. Við gáfum þeim það, við ákváðum að gefa þeim jólagjöf fyrr á þessu ári.“
,,Að sjálfsögðu er skylda fyrir okkur að vera í deild þeirra bestu en hvernig sumarið þróaðist hjá okkur á þessu ári þá eigum við að vera ánægðir.“
,,Ég vil ekki nota það sem afsökun en ég verð að viðurkenna það að Höskuldur er einn sá besti sem ég hef þjálfað og það er mikill missir að missa hann.“
,,Oliver var sterkur í hópnum. Ég veit að það hljómar eins og væl, maður í manns stað en það eru ekki mörg lið sem gætu púllað það og halda samt góðri spilamennsku og frammistöðu.“
Nánar er rætt við Milos hér fyrir ofan og neðan.
