Haukur Páll Sigurðsson, fyrirliði Vals, var kátur á svip í kvöld eftir sigur liðsins í Pepsi-deild karla. Valsmenn tryggðu sér titilinn eftir 4-1 sigur á Fjölni.
,,Þetta er geggjað. Það er erfitt að lýsa þessu. Ég veit ekki hvað ég á að segja,“ sagði Haukur.
,,Þegar ég var kominn útaf þá spurði ég hvort að það væri ekki öruggt að að við myndum vinna titilinn ef við klárum þennan leik.“
,,Ég kom í Val til þess að berjast um titla og það tók smá tíma. Tveir bikarmeistaratitlar og núna sá stóri.“
,,Ég fann klárlega þegar á leið á undirbúningstímabilið að við værum með lið til að berjast um þetta.“
,,Óli og Bjössi komu inn og sögðu að það myndi taka smá tíma að byggja upp gott lið. Það var áður mikið rót á leikmönnum en ekki hjá þeim. Það er frábært að vinna með þeim. Óli er kóngurinn!,“ bætti Haukur við en hann kvótaði þar í liðsfélaga sinn Einar Karl Ingvarsson.
