Kristinn Ingi Halldórsson, hetja Vals í kvöld, var í skýjunum eftir 1-0 sigur á Blikum í kvöld.
,,Þetta var mjög erfiður leikur. Ég er ekkert að kenna veðrinu um en það bauð ekki upp á fallegan fótbolta,“ sagði Kristinn.
,,Þótt hlutirnir gangi ekki upp þá brotnum við ekki niður heldur förum í hitt að berjast og gefa ekki sénsa á okkur. Við getum gert bæði.“
,,Þetta er mitt hlutverk að reyna að djöflast og vera mættur. Það er það sem ég tel mig gera vel. Ég veit að þetta er hættulegt þegar hann skýtur. Hann getur skotið helvíti fast.“
