Heimir Hallgrímsson, þjálfari íslenska landsliðsins, óskaði Finnum til hamingju eftir grátlegt 1-0 tap í undankeppni HM í kvöld.

,,Þetta var erfiður leikur og við vissum að þeir yrðu þéttir og þeir yrðu líkamlega sterkir og þeir létu okkur finna vel fyrir því í þessum leik,“ sagði Heimir.

,,Eins og við höfum oft sagt á fundum, Finnarnir hafa verið inn í öllum sínum leikjum og hafa verið erfiður andstæðingur fyrir alla þá sem hafa leikið við þá og núna fengu þeir þessa draumabyrjun og fengu sjálfstraust.“

,,Seinni hálfleikurinn var miklu kraftmeiri af okkar hálfu. Við mættum þeim í bardaganum og sköpuðum oft usla og svo tókum við meiri og meiri sénsa en því miður dugði það ekki til“

,,Við pirruðum okkur á að þeir voru líkamlega sterkir og létu okkur finna fyrir því og það gekk ekki upp það sem við reyndum að gera. Svo fór dómarinn líka í taugarnar á okkur og við fórum í taugarnar á dómaranum og hann varð leiður á okkur og byrjaði að gefa okkur spjöld.“

Nánar er rætt við Heimi hér fyrir ofan og neðan.