Birkir Bjarnason verður í lykilhlutverk þegar íslenska landsliðið heimsækir Finnland í undankeppni HM á laugardag.

Íslenska liðið er á toppi riðilsins ásamt Króatíu eftir frábæran sigur á þeim í sumar. Birkir leggur áherslu á að láta þann leik telja

,,Við unnum frábæran sigur í sumar en sá leikur gildir varla ef við getum ekki haldið þessu áfram, við erum búnir að bíða lengi eftir þessum leik,“ sagði Birkir við 433.is í Finnlandi í dag.

Finnland er aðeins með eitt stig í riðlinum en Birkir varar fólk við og segir liðið gott.

,,Ég hef heyrt að fólk sé að tala um þetta verði létt og þetta lið geti ekki neitt, það er ekki rétt. Þeir eru með hörkulið, öll lið sem við mætum eru góð. Við þurfum að eiga okkar besta leik til að ná þremur stigum.“

,,Þetta er hörkulið og við vorum heppnir að ná þremur stigum síðast, vonandi gerum við betur fyrr í þetta skiptið.“

Nú er aftur komið að því að næsti landsleikur er sá mikilvægasti í sögunni og sigrar þurfa að koma til að fara á HM í Rússlandi.

,,Þetta er búið að vera svona lengi, við erum búnir að venjast því. Við vitum að þessi verður þannig.“

Viðtalið er í heild hér að ofan og neðan.