Kristján Guðmundsson, þjálfari ÍBV, var ekki viss hvað fór úrskeiðis í dag í 3-1 tapi gegn Grindavík í Pepsi-deild karla.
,,Ég get ekki útskýrt byrjunina akkúrat núna en það voru einhver rosaleg mistök og misskilningur í varnarleiknum,“ sagði Kristján.
,,Við vorum búnir að fara vel yfir þetta á æfingum en það fór eitthvað þvílikt úrskeiðis sem kostaði okkur leikinn.“
,,Tvö skot á markið og tvö núll. Það er erfitt að taka á móti því en við gefum liðinu það að það hætti aldrei og gafst aldrei upp.“
