Hannes Þór Halldórsson landsliðsmarkvörður var algjörlega í skýjunum eftir sigurinn ótrúlega á Króatíu í undankeppni HM.
„Maður hefði búist við að maður hefði meira að gera. Vorum náttúrulega að spila við eitt besta lið heims og við héldum þeim vel í skefjum.“
„Maður veit aldrei hvernig þetta spilast, hlutirnir eru fljótir að gera. Maður er bara að búa sig undir allt og taugarnar eru þandar.“
„Gjörsamlega ótrúleg stund. Að halda hreinu og vinna í lokin, þetta er alveg ótrúleg stund. Að skora sigurmark í uppbótartíma í júnímánuði á Íslandi, þetta gerist ekki sætara. Algjörlega draumkennt augnablik.
„Ég stóð aftast og sagði plís plís plís. Þetta er augnablik sem manni dreymir um að upplifa. Miðað við stöðuna í riðlinum og söguna gegn Króatíu.“
„Ætlum að njóta þess núna að fara í sumarfrí með þessi úrslit á bakinu. Síðan setjum við allt í gang þegar kemur að leiknum gegn Finnlandi sem við þurfum að vinna.“
Viðtalið við Hannes má finna hér að ofan og neðan:
