,,Maður fékk gott frí eftir að síðasta leik lauk,“ sagði Jón Daði Böðvarsson framherji Wolves og íslenska landsliðsins við 433.is í dag.

Mánuður er síðan að Wolves lauk leik í Championship deildinni og fékk Jón Daði stutt frá eftir það, síðan þá hefur hann verið hér á landi að halda sér í formi fyrir landleikinn við Króatíu á sunnudag í undankeppni HM.

,,Síðan kom maður hingað og byrjaði af krafti aftur, formið er á manni er mjög jákvætt.“

,,Menn eru vel stemmdir fyrir sunnudeginum, það er búið að vera að funda á fullu. Strákarnir og við allir erum klárir í góðan leik á sunnudag. Við þurfum allir að eiga toppleik til að ná góðum úrslitum á móti þessu sterka liði.“

Nuno Espírito Santo var ráðinn þjálfari Wolves á dögunum og verður hann þriðji þjálfari Jóns á einu ári hjá félaginu.

,,Ég er ekkert búinn að hitta á hann, hann virkar mjög flottur þjálfari miðað við það sem maður les. Klúbburinn er með nýja stefnur og vilja fara upp sem allra fyrst, það er jákvæða markmiðasetning. Maður verður að sjá hvernig þetta verður, hvernig leikstíllinn er og hvar maður er staddur inn í þessu.“

Viðtalið er í heild hér að ofan og neðan.