Valur vann góðan og mjög mikilvægan sigur á ÍBV í Pepsi deild karla í kvöld en um er að ræða 6. umferð deildarinnar.
Sigurður Egill Lárusson kom Völsurum yfir á fjórðu mínútu leiksins en Valsarar fengu færi til að klára leikinn í fyrri hálfleik en nýttu þau ekki.
Kaj Leo í Bartalsstovu jafnaði fyrir ÍBV undir lok fyrri hálfleik.
Margir héldu að leikurinn myndi enda með jafntefli en Sveinn Aron Guðjohnsen sem kom inn sem varamaður var hetja liðsins með sigurmarki. Frábær innkoma.
,,Við byrjuðum leikinn mjög vel og skorum 1-0, við fórum í það að halda og þeir féllu til baka,“ sagði Sigurbjörn Hreiðarsson aðstoðarþjálfari Vals eftir leik.
,,Við fengum einhver færi en mér fannst vanta eitthvað í þetta. Stundum gerist þetta svona, við skorum snemma. Þetta var þriðji leikurinn á sjö dögum.“
,,Við gerðum nóg í dag, það er styrkleikamerki að klára svona leik.“
Viðtalið er í heild hér að ofan og neðan.
