„Við vorum staðráðnir í að gera vel hérna í dag og afar kærkomið að ná í fyrsta sigur félagsins gegn FH,“ sagði Ágúst Gylfason, þjálfari Fjölnis eftir 2-1 sigur liðsins gegn FH í kvöld.
Ivica Dzolan kom Fjölni yfir í fyrri hálfleik áður en Emil Pálsson jafnaði metin fyrir heimamenn á 66 mínútu. Það var svo Þórir Guðjónsson sem skoraði sigurmark Fjölnis á 81 mínútu og þar við sat.
„Við settum leikinn vel upp og það skiptir kannski ekki alltaf máli hvernig þú setur leikinn upp ef leikmennirnir eru ekki með sjálfstraust en það var sjálfstraust í dag í liðinu.“
„Það var einhver að tala um það að við hefðum aldrei unnið þá en þýðir heldur ekkert að mæta hérna í Krikann og vera hræddur, þá endar það bara á einn veg.“
Viðtalið í heild sinni má sjá hér fyrir ofan og neðan.
