Katrín Ásbjörnsdóttir, leikmaður Stjörnunnar, segir að það komi sér ekki á óvart að liðinu sé spáð þriðja sæti í Pepsi-deild kvenna þetta sumarið.
,,Spáin kemur mér í sjálfu sér ekki á óvart. Þetta er í samræmi við gengið hjá okkur í vetur,“ sagði Katrín.
,,Við komumst ekki í undanúrslit í Lengjubikar en ég vil segja að úrslitin í vetur endurspegli ekki hvað við höfum uppá að bjóða.“
,,Það mun hjálpa okkur í toppbaráttunni að ungar Stjörnustelpur sem vem voru meira á bekknum eru að fá stærra hlutverk og meiri ábyrgð.“
