Gísli Eyjólfsson leikmaður Breiðabliks er mættur til reynslu hjá Haugesund í Noregi. Vísir.is segir frá.
Haugesund var í tíunda sæti norsku úrvalsdeildarinnar á síðustu leiktíð.
Gísli var einn af betri leikmönnum Pepsi deildarinnar á síðustu leiktíð og gæti nú yfirgefið Blika.
Eysteinn Pétur Lárusson, framkvæmdastjóri Knattspyrnudeildar Breiðabliks staðfesti við Vísi að Gísli sé farinn út til æfinga til Noregs.
„Þetta er frábær leikmaður sem eðlilega vekur athygli. Þeir báðu um að fá hann í heimsókn og við gáfum leyfi á þessum tímapunkti,“ sagði Eysteinn.
