Liverpool tók á móti WBA í enska FA-bikarnum í kvöld en leiknum lauk með 3-2 sigri gestanna.
Það voru þeir Roberto Firmino og Mohamed Salah sem skoruðu mörk Liverpool í leiknum en Jay Rodriguez og Joel Matip sáu um markaskorun WBA í kvöld.
Jurgen Klopp, stjóri Liverpool var afar pirraður í leikslok enda frammistaðan ekki góð hjá hans mönnum í kvöld.
„Það er augljóst að við vorum ekki að bregðast rétt við aðstæðunum sem við komum okkur í hérna í kvöld,“ sagði Klopp.
„Annað markið sem þeir skora var bara hrikalegur varnarleikur hjá öllum leikmönnum liðsins. Þú getur ekki varist svona. Við klikkum á víti og þriðja markið þeirra hlýtur að vera rangstæða?“
„Við þurftum að sýna karakter í seinni hálfleik og vorum allan tímann að elta leikinn. Við skoruðum annað markið of seint. Þegar að þú byrjar leiki eins og við gerðum þá nærðu aldrei að sýna þínar bestu hliðar.“
„Þeir voru aðeins að tefja sem er eðlilegt. Þegar allt kemur til alls þá áttu þeir þetta skilið. Þeir skoruðu þrjú mörk og við tvö. Þeir börðust fyrir sigrinum og við getum sjálfum okkur um kennt,“ sagði Klopp að lokum.
