Henrikh Mkhitaryan mun að öllum líkindum ganga undir læknisskoðun hjá Arsenal á morgun en það er Sky Sports sem greinir frá þessu.

Leikmaðurinn fer til Arsenal í skiptum fyrir Alexis Sanchez sem er á leiðinni til Manchester United.

Leikmennirnir hafa báðir náð samkomulagi við félögin um kaup og kjör og því er ekkert eftir nema að klára læknisskoðun og skrifa svo undir samning.

Enskir miðlar greina frá því að Mhitaryan verði launahæsti leikmaður Arsenal en hann hefur ekki átt fast sæti í liði United á þessari leiktíð.

Hann kvaddi liðsfélaga sína á föstudaginn og sömu sögu er að segja um Alexis Sanchez.