Henrikh Mkhitaryan hefur samþykkt að ganga til liðs við Arsenal en það er Fabrizio Romano, fréttamaður hjá Sky og Guardian sem greinir frá þessu.
Hann mun fara til Arsenal í skiptum fyrir Alexis Sanchez sem er á leiðinni til Manchester United.
Enskir fjölmiðlar greindu frá því á dögunum að Mkhitaryan og Mino Raiola, umboðsmaður hans væru að tefja félagaskiptin.
Þeir hafa nú samþykkt alla pappíra frá Arsenal en Alexis Sanchez átti að fara í læknisskoðun hjá United í dag.
Það má því teljast líklegt að tilkynnt verði um félagaskiptin í dag eða kvöld.
