Manchester United ætlar að bjóða þeim David de Gea og Marcos Rojo nýja samninga hjá félaginu en það er Mail sem greinir frá þessu.
De Gea hefur verið orðaður við Real Madrid, undanfarin ár en United er sagt tilbúið að gera hann að launahæsta markmanni í heimi.
Hann hefur verið algjörlega magnaður fyrir United og er algjör lykilmaður í liðinu síðan hann kom frá Atletico Madrid.
Rojo hefur stigið mikið upp síðan að Jose Mourinho tók við liðinu árið 2016 en samningur hans við félagið rennur út sumarið 2019.
De Gea á 12 mánuði eftir af samningi sínum með möguleika á árs framlengingu en félagið íhugar að bjóða honum fimm ára samning.
