Virgil van Dijk, dýrasti leikmaður í sögu Liverpool snéri aftur til æfinga í upphafi vikunnar.

Hann var ekki með liðinu sem vann frábæran 4-3 sigur á Manchester City um helgina en hann var tæpur aftan í læri.

Van Dijk æfði hins vegar með liðinu á þriðjudaginn og ætti að vera klár í slaginn um helgina gegn Swansea.

Þá hefur Jordan Henderson einnig hafið æfingar á nýjan leik sem og Alberto Moreno, vinstri bakvörður liðsins.

Liverpool hefur gengið vel í síðustu leikjum en það verður að teljast ansi líklegt að Henderson og Van Dijk gangi beint inn í byrjunarliðið fyrir leikinn gegn Swansea.