Pierre-Emerick Aubameyang, framherji Borussia Dortmund hefur samþykkt að ganga til liðs við Arsenal en það er Mirror sem greinir frá þessu.

Leikmaðurinn hefur verið sterklega orðaður við Arsenal í aðdraganga brotthvarfs Alexis Sanchez en hann verður samningslaus í sumar.

Arsenal vill því ferkar selja hann nú fyrir 35 milljónir punda en hann er sterklega orðaður við Manchester United.

Arsenal og Dortmund hafa hins vegar ekki ennþá samið um kaupverðið á leikmanninum en þýska félagið er sagt opið fyrir því að selja hann.

Talið er að kaupverðið á leikmanninum sé í kringum 50 milljónir punda en hann hefur raðað inn mörkunum í Þýskalandi, undanfarin ár.