Jamie Redknapp sérfræðingur Sky Sports segir að Chelsea eigi að senda Alvaro Morata í stutt sumarfrí.
Framherjinn er ískaldur upp við markið eftir góða byrjun á sínu fyrsta tímabili á Englandi.
,,Það er ekki skrýtið að Alvaro Morata sé í vandræðum, hann hefur alla tíð leikið á Spáni og Ítalíu og hefur því alltaf fengið vetrarfrí,“ sagði Redknapp.
,,Sex af tíu mörkum Morata í deildinni hafa komið með skalla, varnarmenn eru farnir að lesa hreyfingar hans þegar fyrirgjafir koma.“
,,Morata ætti að fá viku frí til að fara í sól og endurnæra sig, Chelsea myndi græða á því.“
