Liverpool vill gera nýjan samning við Roberto Firmino, framherja liðsins en það eru enskir miðlar sem greina frá þessu í dag.

Félagið er tilbúið að semja við hann, út ferilinn sem þýðir að hann myndi spila með liðinu þangað til hann leggur skóna á hilluna.

Jurgen Klopp er mikill talsmaður Firmino og er hann einn mikilvægasti leikmaðurinn í sóknarleik liðsins.

Samingurinn hans rennur út eftir tvö ár en þrátt fyrir það vill félagið ekki bíða með að framlengja við hann.

Firmino kom til Liverpool frá Hoffenheim árið 2015 en það var Brendan Rodgers sem keypti hann til félagsins á sínum tíma.