Lucas Moura, sóknarmaður PSG vill komast til Manchester United í janúarglugganun en það er Telefoot sem greinir frá þessu.
Hann hefur ekki átt fast sæti í liði PSG á þessari leiktíð og hefur aðeins komið við sögu í 6 leikjum með franska liðinu á leiktíðinni.
Jose Mourinho, stjóri United er aðdáandi leikmannsins en hann hefur hug á því að fá leikmanninn á láni út tímabilið og eiga svo forkaupsrétt á honum í sumar.
PSG er hins vegar ekki tilbúið að lána hann heldur vilja þeir selja hann til enska liðsins en fjöldi liða hefur sýnt Moura áhuga að undanförnu.
Leikmaðurinn sjálfur vill hins vegar bara fara til United en ef það gengur ekki upp er hann sáttur við að berjast fyrir sæti sínu hjá PSG.
