Victor Valdes fyrrum markvörður Barcelona og Manchester United hefur staðið við loforð sitt.
Valdes hafði alltaf sagt að þegar ferilinn væri á enda myndi hann láta sig hverfa úr sviðsljósinu.
Markvörðurinn hefur ákveðið að henda hönskunum í hilluna og í kjölfarið fór hann úr sviðsljósinu.
Valdes ákvað að eyða öllum samfélagsmiðla síðum og ætlar að eyða tíma með fjölskyldu sinni.
,,Þegar ég hætti þá mun ég hætta öllu, ég verð með börnunum og kenni þeim hvað þau geta orðið,“ sagði Valdes fyrir þremur árum.
