Chelsea ætlar að bjóða Eden Hazard, sóknarmanni liðsins nýjan samning á næstu vikum en það er Mail sem greinir frá þessu.

Hazard hefur verið sterklega orðaður við Real Madrid að undanförnu og gæti leikmaðurinn farið í sumar.

Chelsea er ekki tilbúið að missa einn sinn allra besta leikmann og er tilbúið að gera Hazard að einum launahæsta leikmanni ensku úrvalsdeildarinnar.

Félagið er tilbúið að borga honum 300.000 pund á viku en núverandi samningur hans rennur út sumarið 2020.

Samkvæmt miðlum á Englandi er Hazard loksins tilbúinn að setjast niður með forráðamönnum Real Madrid en hann hefur alla tíð sagt að hann sé mjög ánægður á Stamford Bridge.