Arturo Vidal, miðjumaður Bayern Munich er sagður efstur á óskalista Jose Mourinho fyrir sumarið en það er Mirror sem greinir frá þessu,

Stjórinn vill fá miðjumann sem getur náð því besta út úr Paul Pogba og leyft honum að sækja meira.

Vidal og Pogba spiluðu saman hjá Juventus á sínum tíma og náðu þeir einstaklega vel saman á miðsvæðinu.

United hefur verið í vandræðum á miðsvæðinu á þessari leiktíð vegna meiðsla en Michael Carrick mun leggja skóna á hilluna í vor.

Þá hefur Marouane Fellaini verið orðaður við brottför frá félaginu og því ljóst að liðinu vantar afgerandi miðjumann í sumar.