Manchester United hefur rift samningi sínum við Zlatan Ibrahimovic en þetta var tilkynnt í gærdag.
Zlatan er að ganga til liðs við LA Galaxy sem spilar í bandarísku MLS-deildinni.
Hann var magnaður á sínu fyrsta tímabili með félaginu en hann hefur lítið sem ekkert spilað með liðinu á þessari leiktíð vegna meiðsla.
Zlatan setti inn fallega kveðju á Instagram í gærdag þar sem að hann kvaddi félagið en Eric Bailly, varnarmaður liðsins gaf lítið fyrir þessi orð Zlatan og sagði honum að fara til fjandans.
Þeir félagar hafa verið duglegir að grínast í hvor öðrum síðan að þeir komu til United en mynd af þessu má sjá hér fyrir neðan.
