Max Meyer, sóknarmaður Schalke gæti verið á leiðinni til Liverpool en það eru þýskir miðlar sem greina frá þessu í dag.

Hann verður samningslaus í sumar og hefur leikmaðurinn ekki viljað skrifa undir nýjan samning við félagið.

Schlake hefur í tvígang boðið honum nýjan samning sem Mayer hefur hafnað og er Liverpool sagt tilbúið að bjóða honum góðan samning á Englandi.

Talið er næsta víst að Mayer muni yfirgefa Schalke í sumar en hann hefur einnig verið orðaður við Bayern Munich.

Þessi 22 ára gamli leikmaður hefur komið við sögu í 27 leikjum með Schalke á leiktíðinni þar sem hann hefur skorað 1 mark.