Alexis Sanchez, sóknarmaður Manchester United gekk til liðs við félagið í janúar.
Hann kom í skiptum fyir Henrikh Mkhitaryan sem gekk til liðs við Arsenal en Sanchez er í dag launahæsti leikmaður deildarinnar.
Hann hefur ekki staðið undir þeim væntingum sem gerðar voru til hans í upphafi og byrjaði hann á bekknum í síðasta leik liðsins gegn Brighton í enska FA-bikarnum.
Hann setti inn afar áhugaverða færslu á Instagram í dag sem hefur vakið mikla athygli.
„Ég veit að þú ert þreyttur, ég veit að þú ert bæði líkamlega og andlega búinn á því,“ sagði Sanchez á Instagram.
„En maður verður að muna að brosa og halda áfram,“ sagði Sanchez að lokum og átti þar við sjálfan sig.
Færsluna sem hann setti inn má sjá hér fyrir neðan.
