N’Golo Kante, miðjumaður Chelsea hefur útilokað það að snúa aftur til Frakklands í sumar.
Kante hefur verið magnaður síðan hann kom til Englands árið 2015 frá Caen í Frakklandi.
Hann varð enskur meistari með Leicester árið 2016 og svo aftur með Chelsea árið 2017 og er hann nú sterklega orðaður við PSG.
„Ég er heima hjá mér, þetta er mitt félag og ég er leikmaður Chelsea,“ sagði Kante.
„Þetta er mitt annað ár hjá félaginu og mér líður mjög vel hérna. Við unnum deildina á mínu fyrsta tímabili og spiluðum í Meistaradeildinni á öðru tímabili mínu.“
„Ég vil afreka meira hjá þessu félagi í framtíðinni og ég er ekki að fara neitt,“ sagði hann að lokum.
