Barcelona getur ekki gefið Samuel Umtiti varnarmanni félagsins nýjan og betri samning.
Umtiti er með 60 milljóna evra klásúlu í samningi sínum þessa stundina.
Barcelona hefur hins vegar spent boga sinn og getur ekki boðið Umtiti nýjan samning fyrr en á næstu leiktíð.
Klásúlan hefur opnað dyrnar fyrir önnur lið að stíga inn og er Manchester United sagt hafa áhuga á Umtiti.
Franski varnarmaðurinn hefur átt gott tímabil og verðmiðinn á honum er ekki hár miðað við markaðinn í dag.
Duncan Castles blaðamaður Daily Record er vel tengdur Jose Mourinho og hann segir að United hafi nú þegar látið Umtiti og umboðsmann hans vita af áhuga sínum.
Mourinho vill bæta varnarlínuna og miðjuna hjá sér í sumar.
