Daniel Alves bakvörður PSG á sér þann draum að spila á Englandi en hvort sá draumur rætist er óvíst.
Alves verður 36 ára gamall þegar samningur hans við PSG er á enda sumarið 2019.
Sumarið 2008 var hann nálægt því að ganga í raðir Liverpool og síðasta sumar gat hann samið við Manchester City.
,,Ég var nánast búinn að ná samkomulagi við Liverpool, það gekki ekki upp að lokum en ég veit í raun ekki af hverju,“ sagði Alves sem fór frá Sevilla til Barcelona árið 2008.
,,Ég er með metnað til að spila á Englandi, það er draumur en ég veit ekki hvort það gerist. Ég vil halda áfram að vinna, ég vil spila þangað til að ég verð fertugur.“
