Það var hart tekist á þegar Everton heimsótti Burnley í ensku úrvlsdeildinni í dag, um var að ræða fyrsat leik helgarinnar.

Jóhann Berg Guðmundsson var á sínum stað í byrjunarliði Burnley og sömu sögu er að segja af Gylfa Þór Sigurðssyni hjá Everton. Cenk Tosun sem Everton keypti í janúar kom liðinu yfir eftir tuttugu mínútna leik en hann hefur ekki verið að spila vel.

Burnley sótti í sig veðrið í síðari hálfleik og Ashley Barnes jafnaði leikinn fyrir heimamenn. Það var svo þegar tíu mínútur voru eftir sem Jóhann Berg Guðmundsson teiknaði boltann á pönnuna á Chris Wood eftir hornspyrnu. Framherjinn sem kom inn í hálfleik skallaði hornspyrnu Jóhanns í netið.

Gylfi Þór var tekinn af velli þegar sjö mínútur voru eftir af leiknum en hann fékk gott færi skömmu fyrir mark Burnley til að skora og koma Everton yfir. Stuðningsmenn Everton voru ekki sáttir með þessa skiptingu Sam Allardyce og sungu um að hann ætti að vera rekinn á morgun.

Stóri Sam var spurður um skiptinguna og gerði lítið annað en að brosa.

Sam Allardyce smiles when asked about Everton’s fans booing his substitution of Gylfi Sigurdsson. Says they created „the most chances away from home“ since he’s been at the club. Allardyce adds #EFC‘s players have put a „huge amount of pressure on themselves now“

— Joe Prince-Wright (@JPW_NBCSports) March 3, 2018