Sergio Ramos, fyrirliði Real Madrid á að hafa tjáð vinum sínum það á dögunum að David de Gea sé efstur á óskalista félagsins fyrir sumarið.
De Gea hefur verið sterklega orðaður við Real Madrid, undanfarin ár og var ansi nálægt því að ganga til liðs við félagið sumarið 2015.
Markmaðurinn er algjör lykilmaður á Old Trafford og hefur verið einn besti leikmaður liðsins, undanfarin ár.
Keylor Navas er markmaður númer eitt hjá Madrid en hann hefur gert sinn skerf af mistökum á undanförnum árum.
Don Balon vill meina að Ramos sé byrjaður að ræða næstu skotmörk Real Madrid við vini og kunningja ásamt De Gea hefur Neymar einnig verið orðaður við Madrid.
