Antoine Griezmann, sóknarmaður Atletico Madrid er að öllu líkindum á leiðinni til Barcelona en það er Cadena SER sem greinir frá þessu.

Leikmaðurinn hefur verið sterklega orðaður við Börsunga að undanförnu en hann er með klásúlu í samningi sínum sem gerir honum kleift að fara næsta sumar fyrir 100 milljónir evra.

Barcelona er tilbúið að borga þessa klásúlu en Griezmann hefur einnig verið orðaður við Manhcester United.

Diego Simeone, stjóri Atletico Madrid nánast staðfesti það á dögunum að Griezmann yrði ekki hjá félaginu á næstu leiktíð.

Börsungar hafa verið atkvæðamiklir á leikmannamarkaðnum að undanförnu en félagið keypti Philippe Coutinho á dögunum fyrir 142 milljónir punda.