Jose Mourinho stjóri Manchester United hjólaði í Paul Scholes fyrrum miðjumann félagsins í gær.
Eftir 2-0 sigur á Everton ákvað Mourinho að senda pillu á Scholes.
Scholes sem er sérfræðingur BT Sport gagnrýndi Paul Pogba harkalega á dögunum.
,,Það eina sem Paul Scholes gerir er að gagnrýna, hann talar ekki um hlutina, hann gagnrýnir,“ sagði Mourinho í gær.
,,Það er ekki Paul Pogba að kenna að hann þénar miklu hærri upphæðir en Scholes, þannig er bara fótboltinn.“
,,Scholes verður í bókunum sem frábær leikmaður en ekki góður sérfræðingur.“
