Siglocabin er heilsársbústaður í rómuðu umhverfi Siglufjarðar. Bústaðurinn er tilvalinn til helgar- eða vikudvalar fyrir fjölskyldur eða sem áfangastaður fyrir pör sem vilja eiga rómantískar stundir í sveitinni fögru.

Garður og grill

Í Siglocabin er að finna allt sem þarf til þess að dvölin í bústaðnum verði sem notalegust. Gasgrill er á veröndinni og bakaraofn í húsinu sjálfu. Eldhúsið er fullbúið öllum helstu þægindum eins og uppþvottavél, brauðrist, kaffivél, vínglösum og ýmsu öðru.
Húsin sem mynda Siglocabin eru raunar tvö og geta til samans hýst allt að ellefu manns, þ.e. átta í aðalbústaðnum og þrjá í þeim minni.

Gestir hafa aðgang að ókeypis WiFi og flatskjár er í stofunni auk þess sem heitur pottur er til afnota fyrir gesti.
Það er fjölskylda sem stendur að rekstri Siglocabin sem tekur ávallt vel á móti gestum, eins og Siglfirðinga er siður.
Vinsamlegast hafið samband til þess að fá nánari upplýsingar:

Siglocabin, Siglufjörður, sími: 869-8483.
www.siglocabin.is