Óbyggðaferðir er lítið fjölskyldufyrirtæki í Fljótshlíðinni sem nú í ár fagnar 10. starfsárinu.
Við bjóðum upp á skemmtilegar skoðunarferðir, hvort sem er um Fljótshlíðina fögru eða inn á hálendi okkar stórkostlega lands, allt árið um kring.

Að skoða náttúru landsins á fjórhjólum er möguleiki sem kemur mörgum á óvart hversu auðvelt það er og gaman.
Í boði eru fjölbreyttar ferðir sem geta tekið frá tveimur klukkustundum upp í dagsferðir, þær henta öllum, bæði byrjendum og vönum.

Þórsmörk, Eyjafjallajökull, Tindfjöll og Markarfljótsgljúfur eru í nágrenni við Fljótshlíðina og því ekki langt að fara á fallega staði. Meðal áfangastaða í ferðum okkar lengra inn á hálendið eru Landmannalaugar, Hrafntinnusker, Heklusvæðið og ótal margt fleira.

Óbyggðaferðir Atv Fjórhjólaferðir er með aðsetur að Lambalæk í Fljótshlíð.

Í túnfætinum hjá okkur eru frábær hótel, veitingastaðir, tjaldsvæði, golfvöllur, hestaleiga og margs konar önnur þjónusta við ferðamenn, meðal annars Hótel Fljótshlíð Smáratúni, Hellishólar og Kaffi Langbrók.
Við sköffum gestum okkar heilgalla, hjálma, vettlinga, húfur og stígvél, allt eftir því hvers viðskiptavinurinn þarfnast.
Fjórhjólaferðirnar með Óbyggðaferðum henta vel sem hvataferðir, óvissuferðir, brúðar- og afmælisgjafir og steggja- og gæsaferðir ásamt starfsmannaferðum.

Fjórhjólin okkar eru götuskráð og tveggja manna. Við erum aðeins í 90 mínútna akstursfjarlægð frá Reykjavík (108 km).
Heimsókn í Fljótshlíðina svíkur engan. Saman getum við búið til uppskrift að góðum degi.

Upplýsingar info@atviceland.is eða í símum 661-2503 (Unnar) og 661-2504 (Solveig)
www.obyggdaferdir.is