Hún er kannski ekki komin með eins marga fylgjendur og litli Íslandsvinurinn Justin Bieber, eða krúttið hún Taylor Swift, en Gloria Steinem er að minnsta kosti komin á Instagram.

Gott markmið Kannski mundi þetta breyta einhverju!

Þessi femíníska ofurhetja hefur barist ötullega fyrir jafnrétti kynjanna síðustu áratugina, en hún var ein upphafskvenna hinnar femínísku bylgju sem reið yfir Bandaríkin í lok sjöunda áratugarins.

Ein gömul og góð Þessa birti Gloria til heiðurs vinkonu sinni og baráttusystur Eleanor Holmes Norton.

Í dag er Gloria 82 ára gömul og ferðast um heiminn sem talskona jafnréttis. Á þeim tveimur vikum sem liðnar eru síðan hún birti fyrstu myndina á Instagram hefur hún safnað 7.355 fylgjendum. Sjálf fylgir Gloria 60 notendum, en þar á meðal eru Barack Obama, Hillary Clinton, Beyoncé, Amy Schumer og Lena Dunham.

Ójá! Flestir ættu að geta fylkt sér á bak við þessa staðhæfingu!

Það verður spennandi að sjá hvernig þessi merka baráttukona á eftir að nýta samfélagsmiðilinn til að koma boðskap um kvenfrelsi og réttlæti á framfæri.

Kisi Það er heilög skylda allra kattaeigenda að birta myndir af þeim á Instagram. Gloria er þar engin undantekning.