Litla garðbúðin er lífstílsbúð sem selur svo miklu meira en bara garðvörur. Þar má t.d. finna feiknar úrval af ýmsum vörum fyrir heimilið eða bústaðinn sem valdar eru af kostgæfni. „Það nýjasta hjá okkur eru vörur frá danska fyrirtækinu GreenGate sem margir hafa mikið dálæti á enda einstaklega vandaðar og fallegar vörur sem endast vel,“ segir Dagrún Guðlaugsdóttir aðspurð um hvað sé „heitast“ í Litlu garðbúðinni.
„Þessum vörum hefur verið afar vel tekið hjá okkur og greinilega margir sem eru að safna GreenGate vörum. Annars eru ræktunarvörurnar aðal málið þessa dagana enda vor í lofti og garðyrkjuhugur kominn í landsmenn. Sífellt fleiri eru að rækta sitt eigið og það er gaman að fylgjast með því. Það þarf heldur ekki að vera svo flókið. Við erum t.d. með frá NelsonGarden eins konar „ræktunarkitt“ sem tekur lítið pláss og allt er tilbúið til að hefjast handa, einungis þarf að vökva. Engin þörf á einhverjum grænum fingrum ef áhuginn er fyrir hendi.“
Nú styttist í sumardaginn fyrsta og margir landsmenn halda í heiðri þann gamla sið að gefa sumargjöf í tilefni dagsins. Í Litlu garðbúðinni fást fjölbreyttar vörur þannig að auðvelt ætti að vera að finna réttu gjöfina. En hvað er vinsælt að gefa í sumargjafir? „Það er svo margt enda af nógu að taka“, segir Dagrún. „Fræ eða garðverkfæri fyrir börn og fullorðna eru t.d. alltaf sígild og góð gjöf. Sælkeravörurnar okkar eru líka alltaf vinsælar gjafir, t.d. salt og ýmis konar krydd, sultur, sinnep og sælgæti. Margir eru líka að safna bollum frá okkur og finnst ómissandi að fá bolla í safnið í sumargjöf.“
„Sumardagurinn fyrsti er reyndar alltaf í sérsöku uppáhaldi hjá okkur og einkennist af gleði. Við kjósum að hafa búðina lokaða á þessum hátíðisdegi þannig að gott er að vera tímanlega ef kaupa á réttu gjöfina. Úrval af vörum er einnig að finna í vefverslunni og er sent frítt innanlands ef pantað er fyrir 3.500 kr.,“
segir Dagrún.
Laugardaginn 16. apríl verður opið kl. 12-16 í verslunni. Auður Rafnsdóttir kynnir bók sína Kryddjurtarækt fyrir byrjendur kl. 12-14 og gefur góð ráð.
Litla garðbúðin, Höfðabakka 3, sími: 587 2222
www.litlagardbudin.is
www.facebook.com/LitlaGardbudin
