Atvinnuljósmyndarinn Abbie Rogers hefur tekið þúsundir mynda af fjölskyldum. Eins og gengur og gerist eru sumar góðar á meðan aðrar fara beint í ruslið. Svo eru í safni Abbie myndir sem fá fólk til að brosa, eins og myndin hér að ofan.

Abbie er bresk og hefur starfað við ljósmyndun í fimm ár. Hún birti meðfylgjandi mynd á Facebook-síðu sinni og er óhætt að segja að hún hafi fangað augnablikið fullkomlega þegar nýr fjölskyldumeðlimur ungra foreldra kíkti í myndatöku í settið. Eins og glöggir lesendur sjá þurfti sá stutti að pissa og hvar er betra en að gera það en í fanginu á mömmu sinni?

„Við hlógum öll að þessu, sérstaklega þegar við sáum myndina,“ segir Abbie í viðtali við Mirror, en svipurinn á foreldrunum er kostulegur. Drengurinn á myndinni heitir Pryor og er þriðja barn foreldra sinna. Abbie einbeitir sér aðallega að fjölskyldumyndatökum og hafa ófáir nýburar komið í heimsókn til hennar.

Aðspurð hver lykillinn sé að því að ná góðum myndum af nýfæddum börnum, segir Abbie að þolinmæði sé regla númer 1, 2 og 3. „Ég flýti mér aldrei í gegnum myndatökuna og fer alltaf á sama hraða og barnið,“ segir Abbie.