Spielberg leikstýrir nýrri mynd um fornleifafræðinginn með svipuna – „Við getum ekki beðið eftir að sjá hann aftur á hvíta tjaldinu“
Forsvarsmenn Walt Disney hafa tilkynnt að ný kvikmynd um ævintýri Indiana Jones muni koma út sumarið 2019. Það mun vera fimmta kvikmyndin um fornleifafræðinginn með svipuna og sem fyrr mun Harrison Ford fara með hlutverk Indie.
„Indiana Jones er ein allra þekktasta hetja kvikmyndasögunnar og við getum ekki beðið eftir að sjá hann aftur á hvíta tjaldinu,“ segir Alan Horn, sem situr í stjórn Walt Disney.
Síðasta Indiana Jones myndin, Kingdom of the Crystal Skull, var harðlega gagnrýnd af aðdáendum og tölu margir að þar hefði Ford farið með hlutverk Jones í síðasta sinn. Orðrómur fór á kreik um að annar leikari myndi taka við af Ford og var leikarinn Chris Pratt sterklega orðaður við hlutverkið.
Steven Spielberg, leikstjóri Indiana Jones myndanna, segir það hins vegar vera alrangt. Spielberg mun leikstýra nýjustu myndinni og segir hann engan fá að leika fornleifafræðinginn nema Ford, sem verður 77 ára þegar myndin verður frumsýnd.
Ásamt þeim Spielberg og Ford munu aðrir góðkunningjar myndanna fá hlutverk. Meðal annars Kathleen Kennedy og Frank Marshall. Nafn myndarinnar hefur ekki verið gefið út en gert er ráð fyrir að hún verði frumsýnd 19. júlí 2019.
