Cafe Adesso í Smáralind hefur um árabil verið geysilega vinsælt kaffihús og veitingastaður en staðurinn var opnaður 7. apríl 2002. Cafe Adesso er vel sótt af viðskiptavinum Smáralindar en auk þess venur stór hópur fastagesta komur sínar á staðinn, meðal annars fólk sem vinnur í nágrenninu.

Cafe Adesso býður upp á hið rómaða og bragðmikla Chaqwa-kaffi. Chaqwa inniheldur kaffibaunir frá ýmsum þekktum kaffiræktunarhéruðum víðs vegar um heiminn, meðal annars Mið-Ameríku, Indlandi, Indónesíu og Afríku.

Með kaffinu er gott að snæða franska súkkulaðiköku með rjóma eins og sést á mynd hér. Mikið úrval er af alls konar gómsætum kökum sem bakaðar eru á staðnum. Einnig eru smurbrauð með roastbeef, síld, hangikjöti og fleiru gerð alla daga.

Fjölbreytt úrval af gómsætum mat og hádegistilboð alla daga

Sem fyrr segir er Cafe Adesso í senn kaffihús og veitingastaður. Geysilegt úrval af mat er í boði alla daga en matseðla má skoða á heimasíðu staðarins. Meðal annars eru álitleg hádegistilboð alla daga milli kl. 11 og 14 og þar eru Crépes-réttirnir meðal annars vinsælir – ekta kaffihúsamatur.

Fjölbreytnin er megináhersla í starfsemi Cafe Adesso þannig að allir geta fundið eitthvað við sitt hæfi. Er leitun að veitingastað sem býður upp á jafnmikla fjölbreytni enda kemur fólk til að fá sér allt frá kleinuhring upp í stórsteik. Að ógleymdu kaffinu sem nýtur ómældra vinsælda.

Cafe Adesso er opið mánudaga–miðvikudaga frá kl. 10.30 til 19.00, fimmtudaga frá 11.00 til 21.00, föstudaga og laugardaga frá kl. 11.00 til 20.00 og sunnudaga frá kl. 12.00 til 18.00.